Super Tomboy to the Rescue!

Patay ka na ba?

supertomboy — Thu, 18 Feb 2010 12:15:44 +0000

SA WAKAS! Pagkatapos ng isang taon at syam na bwan! Naalala ko rin ang password ko. Hahah. Pasensya na kung natagalan, alam ko yung iba hindi na nakakain, hindi nakatulog, umiyak gabi-gabi, at ang masakit pa dun, nakamove on na.. kakahintay saken, hehe. Pero ganon pa man, ako sana’y inyo pa ring pahintulutang magblog. Dumadating kase ako sa point na sa sobrang busy at dami ng ginagawa (weh?), kahit na may matira akong time para magblog, nawawala naman ako sa mood. Alam mo yung feeling na ganon? (Wag ka na magpaliwanag tomboy!). Anyway!! Kung ayaw mo maniwala saken…….. maniwala ka nalang! Wala naman kase akong nasabihan na mawawala ako ng ganon katagal. Wala naman kase sa plano ko yun! *kumidlat ng malakas*

At sa mga nag-isip, HINDI PA KO NAMAMATAY! Hindi ako kasama dun sa 600+ sa Ondoy! At lalo naman sa 200k sa Haiti!

So ano nga ba ang mga nangyari saken habang ako ay wala? Marami talaga, lalo na sa paborito mong tapik na “pag-ibig.” Dumaan din ako sa mga matitinding pagsubok… gaya ng pagkain ng bagong saing na kanin na walang ihipan, walang tinginan sa bedscene ng isang palabas na todo pa ang volume at, ang pinakamatindi, magblog sa wordpress gamit ang Tagalog na interface! PUTEK!!! Nabuburyo ang utak ko sa mga “hudyat,” “paskil,” “bansag,” “patnugot,” at kung ano ano pa! Para kong nagbabasa ng Florante at Laura. Mag-isip ka ng malalim na tagalog, nandito lahat. Buti nalang at nakita ko kung saan ko babaguhin yung language bago pa mawala ulit ako sa mood. Hindi naman sa sosyal ako at ayaw ko ng Tagalog kaya lang hindi talaga siya kyut. Naliligaw lang ako lage.

At ako lang ba ang hindi nagblog ng matagal? Ang dami na nga namin! Uso na nga nagququit sa blog scene eh. Malamang yung iba kase nainis na rin sa tagalized WordPress na daig pa ang tagalog dictionary sa paghahasa ng bokabularyo mo sa tagalog. Pwede ring naging busy gaya ko (busyhin mo muka mo!) o talagang idol lang ako at sinabayan na ko mawala.

Ano’t ano pa man, ako’y maligayang nakapag log in muli. Try kong maglog in ulit next time ha? HAHA.

Hoy tomboy, sino ka ba?

supertomboy — Sat, 24 May 2008 13:10:19 +0000

Alam ko guys gusto niyo talaga akong makilala. Pataas taas pa kilay mo dyan, wag mo na ideny. Kaya magquequestion and answer ako this time, dame kaseng snail mails na natanggap ko lately eh. Hindi ko gagawin toh dahil ako’y tinatamad lang or naiinggit ako sa ibang blogs na gumagawa nito, talagang naiinspire lang ako sa dami ng fans ko all over the world.

Kelan at paano mo nasabing “tomboy” ka?
Nasabi ko lang yan nung magbinata este magdalaga ako sa college. Puro girls pa kase nakakasama ko nung high school kaya hindi pa ko boyish. Nung magcollege ako eh nahilig ako sa online games, marami akong naging kabarkadang lalake, unti-unting nagiging mala Inday garutay ang boses ko at marami pang achoochoo. Pero hilig ko pa rin ang mga lalake, straight na straight pa rin. Huwaaaaat? Tomboy ka pero straight ka? Opo, ganon na nga. Actually type na type ko ngayon si David Cook (oo siya na naman, wala ng bukang bibig ang tao puro siya nalang).
Gaano ka kadalas manood ng porno at bakit ka nanonood nito, ha? Bad ka ah!
Hindi naman ganoon kadalas kesa sayo. Hehe. Dahil babae ako, madalang lang, siguro nakakatwice a minute month, lalo na pagmalapit na akong magkaroon. Kung bakit ako nanonood eh dahil sa reason mo rin kung bat ka nanonood. Masarap din kaseng imaginin yung boypren ko at ako. Kesa naman magsex kami ngayong nag-aaral kame diba, pigil2x muna. Hanggang imagine muna, heheh. Oo bad na, sige bad na. Heheh. Heheh. Heheh. Heheh pa.
Sa tingin mo, maganda ka ba?
Oo.
Bakit ka ba galit na galit sa Meralco?
Dahil hindi sila nagpaprofit ng may honor. Napsed.
Ano ba ang masasabi mo about sa premarital sex?
Ahh.. hmmm.. kasi ano eh.. ahmm.. hindi ko pa nasusubukan yan eh (kinidlatan).. pero sa tingin ko may advantage and disadvantage siya. Advantage niya eh maraming natututunan ang mga tao gaya ng mga iba’t ibang modern style, nalalaman na ng babae paano magmeasure ng tiyak na nakakatulong din sa pag-aaral lalo na kung engineering siya, at marami pang nkakatulong naman talaga sa pagdagdag ng populasyon ng Pinas. Disadvantages naman, marami ngang style na nalalaman kaya lang prone kang dumami na ikababawas naman ng income mo at may tendency pang palayasin ka sa bahay. Kaya kahit iyan lang halos ang disadvantage, ambigat naman. Siguro kung maiiwasan, iwasan nalang. Kung hindi na kayang iwasan, magparami nalang ng pera para may pampadede kung sakali.
What is love?
Love is like mystery, it’s full of rosaries. Heheh. Ang totoo hindi naman ako guru o love doctor o ano pa man pero base sa mga naoobserbahan ko, ang pagmamahal ay more on mental than emotional. Kung baga kaya kayo nagmamahalan dahil may napapala kayo sa isa’t isa, hindi puro sakripisyo lang. Kung puro sakripisyo ang isang tao sa love, puro emotional ang pinapagana niya at nagkakahirapan lang, at natatapos din agad ang relasyon. Kung papaganahin ang utak, madidiscover na ang love ay more to be bed of roses rather than thorns of them. Love doesn’t mean sacrificing for someone without receiving anything in return. Give and take yan, ika nga. Kaya payong kaibigan lang, wag magmahal ng isang taong hindi kayo ginagantihan ng ganun din na pagmamahal That’s not being selfish, that’s what being in love’s for.
Madaldal ka rin ba sa personal?
Salungat sa sabi ng iba na pagmahaba ka raw magsulat eh tahimik ka lang daw, eh hindi nga ako ganon. Kung paano ko magsulat, ganun din ako makipagusap.. utal2x nga lang sa English.
Crush kita dati pa eh! Paano ba ako makakapagtanong sayo?
Ayoko nga! Mga dalawang pilit pa. Heheh. Pede mo akong i-email sa supertomboy@yours.com o kaya eh iteks sa cellfone. Bilisan mo lang kase first come, first served. Marami pa akong phone-in questions na naghihintay.

Ikalawa – Meralco

supertomboy — Mon, 12 May 2008 14:30:58 +0000

Dahil sa pagsikat ng aking unang post (akala mo siya lang may wordpress account), ginanahan akong magsulat muli. Naiisip ko na nga lang kung kelangan ko pang lagyan ng mga una, ikalawa, etc. yung title eh, parang nakakangawit rin, kaya sa susunod, aalisin ko na yan. Hindi ko lang talaga mapigilan sarili kong isulat yung Ikalawa, ang cute eh =P.

Anyhaw, ipuputok ko lang (ay bastos) ang aking inis sa mga gahaman sa pera. Nakakainis talaga, kung sino pa mayaman sa mundo, siya pang ayaw magbigay. Ewan ko kung against din kayo sa mga Lopez, pero ako kase, SOBRA. Puputukan ko na talaga sila! Hindi ko maisip baket kelangang mapikon netong si Ka-Oscar. Napikon siya sa isang interview about nga dun sa paglipat sa gobyerno ng Meralco. Yung interview naman ng ABS-CBN, napaka one-sided. Patuloy nilang sinasabing hindi raw ibibigay ng Lopez ang Meralco sa gobyerno hanggat hindi raw nakikitang kaya na nitong humawak ng pribadong kumpanya. Naisip ko naman, nahawakan nga ng gobyerno buong Pilipinas, Meralco pa kaya. Although corrupt ang government (lahat naman ata corrupt), baket hindi muna ipatry? Lageng sa Napocor pa ang turo. Sa Napocor ba nagbabayad ang tao? Kung pwede nga lang umistraight sa Napocor diba? Pero hindi, kelangan pang tubuan ng Meralco. Naalala ko pa, yung kaibigan ng mama ko, siningil ng 11k ng Meralco dahil ginalaw daw nila yung puntador nila. Todo deny siyempre sila, sino bang aamin dun. Ngayon, bwan bwan nilang hinuhulugan yun ng 2k additional pa sa bill nila. May similar issue, 30k naman. Ang akin naman, ano sense kung ginalaw yung puntador at kelangan nilang maningil? Buti sana kung hindi na gumana, pero gumagana naman. Ganyan ata talaga, kung sino pang mayaman, siya pang gahaman (oooyy.. rhyme).

Naalala ko yung kaklase ko, vinerse ako bigla sa Bible ng “Do not judge for you will be judged…” nung maggroup send ako na mamatay na sana yung may-ari ng Meralco, Maynilad at Bayantel. Vinerse ko din nga siya, “Do you not know that the saints will judge the world? And if you are to judge the world, are you not competent to judge trivial cases?” Akala niya siya lang marunong sa Bible (hindi ko piniga nanay ko para bigyan ako ng verse, promise). Ang nakakatawa lang, nilagyan niya pa na hindi raw simpleng ABAKADA ang sistema ng Lopez. Isip-isip ko naman, bat di siya mag-Japan? Ang dami niyang alam eh. Or better yet, mag-apply siyang lawyer ng mga Lopez? Nag-OJT na ba siya sa Meralco para malaman niyang napakahonest ng sistema neto? I’m judging based sa nakikita ko, hindi sa walang kapararakan lang (kung may nakakaalam po, ano po yung kapararakan?). Minsan talaga may mga nagmamarunong at nangengelam pa. Kung galit ako sa Lopez, wala na sanang pakialamanan. Hindi naman sila madadamay sa galit ko, exclusive sa Lopez lang yun. Ngayon kung si Jennifer Lopez ka, excluded ka pa rin, pero malabo namang maintindihan mo to.

Pakipindot po for more interesting Meralco readings: link, link, link, link, link at link

Unang Post – Introduction

supertomboy — Thu, 08 May 2008 17:51:38 +0000

Grabe, parang dati lang wala akong kaalam alam sa computer, ngayon ang dami ko ng nagagawa. Nung bata lang ako tuwang tuwa nako sa tyahin kong may PC, ngayon ako na may hawak neto (ng PC)! Ang dami ko na ngang alam, mula sa pagcocompose ng e-mail hanggang sa pagbablog, hanggang sa pagsusurf sa mga porno sites, pwedeng pwede na kong guru. Minsan nga naiisip ko na lang, siguro ang hilig magpunta sa mga porno sites ng tiyahin ko nun. Pero hindi rin, wala pang porno ata sa net nun eh. Pero pinipilit niya sigurong maghanap nun.

Super Tomboy. Baket nga ba SUPER TOMBOY? Sa Pinas, madalas na napagiinterchange ang TOMBOY at ang LESBIAN. Ang tomboy ayon sa aking handy dandy dictionary sa PC ay:

A girl who behaves in a boyish manner

Ang lesbian naman ay:

Of or relating to or characterized by homosexual relations between woman

Hindi po ako lesbian, tomboy lang po. Straight ako in other words, lalake lang kumilos at mostly, hilig ko din ang mga hilig ng lalake, pwera lang sa babae. STRAIGHT NGA EH, kulit mo. Sa sobrang straight ko nga, wala akong naging crush na katulad kong babae unlike most of my girl friends. Lahat ng naging crush ko, lalake. Kabilang sa mga type ko sila Brad Pitt, Keanu Reeves, Johnny Depp, basta Hollywood star na medyo husky ang boses na may pagkamacho. Hahah. Naalala ko tuloy si Brad Pitt dun sa sex scene niya sa Troy. =(

Typical Life Exposed. Sosyal! English!!! Anyhaw, pinili ko yang tagline na yan dahil naniniwala akong I’m living typically, na pinararamdam lang saken ng bansang ito na hindi ako naaayon sa kung paano mamuhay ang isang dalagang Filipina. Nakakalungkot nga kaya I feel the need to expose it. Kung may makarelate, edi nakakatuwa. Kung wala, edi nakakalungkot (DUH). Pero I’m sure most, if not all, ay makakarelate naman.

Sino nga ba ako? Isa akong 19 yrs old (turning 20 this year) na kasalukuyang nag-aaral sa isang pamantasan sa aming lungsod. Bakasyon kaya sinulit ko natong pagkakataong makagawa ng blog site na medyo hindi malalaman ang identity ko, para mysterious, tsaka para hindi naman nakakahiya sa mga kaibigan at kamag-anak. Baka nga isa ka sa kanila diba? Hahah. (Kung wala ka pang blog site, gawa ka rin dali! Yung may pagkamysterious effect din tapos i-add mo ko sa favorite links mo.) Sabi ko nga sa bandang itaas, hilig ko ang mga boyish stuff (i.e. online games, basketball, boxing, FHM, porno..). Pero may girly side din naman. Marami akong kulorete sa katawan sa twing ako’y may lakad at matagal din akong magshopping. Bukod dun, wala na siguro.

Katulad din ng karamihang lalake, mahilig din akong matulog. Kasalukuyang 1:46AM. I think enuf na toh sa introduction, ganobela na nga ata ang haba. =)